I hab g'rätselt
und hab g'suacht woher dees ganze Elend kimmt. Wer hat
unser Welt verfluacht daß hint und vorn gar nix mehr
stimmt? Wer hat uns um d'Zukunft prellt? Was lauft falsch
und wer is schuid? Und was hab i in dera Welt no z'doa,
bevors der Teifi hoid?
Von überoi her
schreits mi o, was Tag für Tag zum Himme schreit aus
Zeitung, Fernsehn, Radio: Not und Kriag und Grausamkeit!
Sag, wia is's um d'Menscheit b'stellt? Was lauft falsch
und wer is schuid? Und was hab i in dera Welt no z'doa,
bevors der Teifi hoid?
D'Not is scheinbar no
net z'groß. Aber gfragt werdn muaß jetzt vui.
Und d'Antwort woaß no immer bloß der Wind.
Und der waaht wo er wui. Konnst du mia sagn, wia's Unrecht
tuat? Konnst den Zorn, dee Wundn spürn? Uns, uns
geht's no oiwei guat, mia ham no vui gnua zum Verliern.
Mag nix mehr hörn
und nix mehr redn! Verdammt, was geht mi dees oiß o? A
jeder spuit doch gega jedn. Am liabstn laffat i davo! Was
hab i in dera Welt voller Falschheit no verlorn? Wer
hat mi da bloß einigstellt? Und warum steh i jetzt ganz
vorn?
|