|
Der
Wind treibt mir aan Regn ins Gsicht, i konn fast nix mehr sehng.
Deesmoi kimmt der Wind von vorn und stellt si mir entgegn.
Deesmoi blast er eisig koid und möcht daß i mi
duck.
Aber i bin auf meim Weg, und koa Wetter hoit mi zruck.
Frag
net nachm Wetter, dees ändert si oft schnell.
Nutz dei
Zeit und tua aan Schritt, sonst kimmst net von der Stell.
Nutz
dei Zeit und tua aan Schritt, es muaß koa großer sei.
Du bist auf deim Weg, und an deim Weg kimmst net vorbei.
Jeder
Tag a neue Chance! Du wachst auf in der Fruah,
siehgst
schwarz und grau in grau und machst deine Augn glei wieda zua,
stellst di tot und magst net schaun wia's mit dir weitergeht.
Aber du bist auf deim Weg – obsd' hischaugst oder net.
Vielleicht
hast glaubt du kaanst dei Lebn lang mitm Auto fahrn,
brauchadsd
niamois z'Fuaß geh, kaanst dir jeden Umweg sparn.
Jetzt
stehst im Wald und kimmst net raus bevor du net verstehst:
Der
oanzige Weg raus is der daß d'weitergehst.
Vielleicht
stehst grad auf der Straß', vielleicht bis wo außagflogn,
hast koa Wohnung, hast koan Job und's Konto überzogn;
womöglich hast dei Gsicht verlorn, neambd konn di mehr
versteh.
Aber du bist auf deim Weg und stolltstn aufrecht
geh.
Vielleicht
gehst heut alloa ins Bett: sie schlaft nimma bei dir.
A Auto,
des du recht guat kennst, steht vor ihra Tür.
Heut nacht
werds dir 's Herz zammschnürn daßd'moanst es geht
dahi.
Aber du bist auf deim Weg, mit ihr – und ohne
sie.
Schau
moi übern Horizont, was los is in der Welt:
Zum Beispiel
in Südafrika habns aan Mandela gwählt!
Ois
Staatsfeind Nummer 1 war er im Knast sei halberts Lebn.
Doch
er hat gwußt: Dees is sei Weg. Und er is aufrecht bliebn.
Der
Jesus hats uns alle zoagt: es werd von eahm behaupt'
er waar
in'n Tempel eini und hätt de Händler außigstaubt!
Der Jesus hat am Ölberg gschwitzt, hat genau gwußt
was eahm blüaht,
hat gwußt: Dees is sei Weg. Und
dann ham's'n vorn Richter gführt.
Wenn
i dereinst vorm Richter steh und zruckschau auf mei Lebn,
dann
möcht i, daß i sagn konn: i hab koa Chance vergebn.
I
hab aan Hauffa Fehler baut, bin einitappt in'n Dreck,
aber i
bin weiterganga, weiter auf meim Weg.
|