langelieder > Ernst Weeber > Mitternachtsonn

Druckversion (PDF)




Wenn d’Sonn untergeht
© Text und Melodie: Ernst Weeber (April 1999)


Wo geht bloß de Zeit hi? Wohi geht de Zeit?
Wia weit weg is Gestern? Wia schnell vergeht Heut?
Wia oid mag der Baam sei, der so mächtig dasteht?
Moanst daß er no dasteht wenn d'Sonn untergeht?

D'Kinder san groß worn und gehn ausm Haus.
Was habns von uns mitkriagt? Und was schlagns aus?
Glaubst daß unser Weltreich no a Nacht übersteht?
Moanst daß uns a Stern leucht' wenn d'Sonn untergeht?

Da drübn, bei de Berg, da braut si was zsamm.
Was schätztn, wia vui Zeit mia no ham?
Kimm, laß uns umkehrn! Es werd scho spät!
Moanst daß ma dahoam san wenn d'Sonn untergeht?